बेन्जिमाको दुई गोलले रियल मड्रिड समूह विजेता बनि अन्तिम १६ मा

स्पेनिस क्लब रियल मड्रिड च्याम्पियन्स लिग फुटबलको नकआउट चरणमा प्रवेश गरेको छ।

समूह बी अन्तर्गतको खेलमा बुधबार राति बोरुसिया मोनचेङ्ग्लाडवाचलाई २–० ले पराजित गरेको रियल मड्रिड समूह विजेताका रुपमा अन्तिम १६ मा पुगेको हो ।

घरेलु मैदानमा भएको खेलमा रियल मड्रिडका लागि करिम बेन्जिमाले दुई गोल गरेका हुन् । उनले ९ र ३१ औँ मिनेटमा गोल गरेर जित दिलाएका हुन् ।

जित निकालेको रियल मड्रिडको १० अंक भयो भने ८ अंक भएको पराजित बोरुसिया पनि दोस्रो स्थानमा रहँदै अन्तिम १६ मा पुगेको छ ।

शाख्तर डोनेस्कसँग गोलरहित बराबरी खेलेको इन्टर मिलान ६ अंकसहित समूहको पुछारमा रह्यो भने शाख्तर ८ अंक भए पनि गोल अन्तरले पछि रह्यो बोरुसिया भन्दा ।