जनकपुरधाम-डकैती तथा हत्या गरेको १६ वर्षपछि एकजना महोत्तरीमा पक्राउ परेका छन्।
पक्राउ पर्नेमा धनुषाको मुखियापट्टी मुसहरनिया गाउँपालिका वडा नं. २ का ६२ वर्षीय पवन यादव रहेको महोत्तरीका प्रहरी प्रवक्ता प्रहरी नायव उपरीक्षक प्रकाश विष्टले जानकारी दिए ।
यादवलाई बुधबार दिउँसो मटिहानी नगरपालिका वडा नं. ८ स्थित मटिहानी बजारबाट पक्राउगरिएको प्रवक्ता विष्टले जानकारी दिए ।
२०६१ साल भदौ २० गते रातीको समयमा २०÷२२ जनाको समुहमा शसस्त्र हतियारधारी डाँकाहरूले महोत्तरीको धिरापुर गाविस वडा नं. ९ हाल मटिहानी नगरपालिका वडा नं. ३ बस्ने मो.मोवारक राईन, साबिक मटिहानी गाविस वडा नं.९ हाल मटिहानी नगरपालिका वडा नं. ८ का गौरीशंकर साह सहित ९ जनाको घरबाट नगद तथा गरगहनागरी करीव १० लाखको धनमाल लुटेका थिए।
तिनीहरुले धनमाल डाका गर्नुको साथै धारीलो हतियार प्रहार धिरापुर गाविस वडा नं. ९ हाल मटिहानी नगरपालिका वडा नं. ३ का ३० वर्षीय मो.मोवारक राईन (कवाडी) को हत्या गरेका थिए। सो घटनामा संलग्न मध्ये तत्कालिन समय १३ जनाको विवरण खुलेको थियो।
भर्खरै
लोकप्रिय
