अ
+
अ
अ
-
इंग्लिस प्रिमियर लिग फुटबल अन्तर्गत आइतबार राति भएको खेलमा लेस्टर सिटी विजयी भएको छ ।
शीर्ष स्थानको होडमा रहेको लेस्टर सिटीले घरेलु मैदानमा भएको खेलमा ब्राइटनलाई ३–० ले पराजित गरेको हो । लेस्टरको जितमा जेम्स म्याडिसनले दुई तथा जेमी भर्डीले एक गोल गरे । तीनै गोल पहिलो हाफमा भएको हो ।
म्याडिसनले २७ र ४४ औँ मिनेटमा जेमी भर्डीको सहयोगमा गोल गरेका हुन् । दुई गोलका लागि सहयोग गरेका भर्डीले ४१ औँ मिनेटमा जेम्स जस्टिनको सहयोगमा गोल गरे ।
जितपछि १२ खेलबाट २४ अंक जोडेको लेस्टर सिटी तेस्रो स्थानमा पुगेको छ । उ पहिलो र दोस्रो स्थानका टोटनह्याम र लिभरपुल भन्दा एक अंकले मात्रै पछि छ ।
आइतबार राति नै भएको खेलमा शेफिल्ड युनाइटेडलाई ३–० ले पराजित गरेको साउथह्याम्पटन १२ खेलबाट २३ अंकसहित चौथो स्थानमा पुगेको छ ।
भर्खरै
लोकप्रिय
