सार्वजनिक पोखरीको माछा मार्ने विषयमा झडप, एकजनाको मृत्यु

काठमाडौँ – सप्तरीमा एक सार्वजनिक पोखरीको माछा मार्ने विषयमा भएको झडपमा एकजनाको मृत्यु भएको छ।

बोदेबरसाईन नगरपालिका-१ स्थित कुशमार टोलमा रहेको माछा पोखरीमा माछा मार्ने विषयमा भएको झडपमा आइतबार राती  ३५ वर्षीया गंगिया देबी मण्डलको घटनास्थलमै मृत्यु भएको जिल्ला प्रहरी कार्यालय सप्तरीले जनाएको छ।

झडपमा बोदेबरसाईन नगरपालिका-१ का  ५५ वर्षीय जय नारायण मण्डल , ३५  वर्षीय सोबिन्द्र मण्डल , १८ वर्षीय धिरज मण्डल र  ४५ वर्षीय जोगिन्द्र मण्डल घाइते भएका छन्।

घटनामा संलग्न भएको आरोपमा अर्को पक्षका रुपमा देखिएका  बोदेबरसाईन नगरपालिका-३ का  ५० वर्षीय शिवसरन मण्डल ,  ४७ वर्षीय बिजय मण्डल,  २२ वर्षीय सुरेन्द्र मण्डल र २८  वर्षीय रबित मण्डललाई नियन्त्रणमा लिइएको प्रहरीले जनाएको छ।