
कोरोना भाइरसको महामारीबाट विश्वमै सबैभन्दा बढि प्रभावित भएको अमेरिकामा खोप अभियान सुरु भएको छ र कोभिड–१९ बाट ज्यान गुमाउनेको संख्या तीन लाख भन्दा माथि पुगेको छ।
अमेरिकामा फाइजर–बायोएनटेकको खोप लगाउन सुरु भएको छ । उच्च जोखिममा रहेको स्वास्थ्यकर्मीलाई प्राथमिकतामा राखेर खोप अभियान थालिएको हो ।
फाइजर–बायोएनटेकको खोप क्वीन्समा रहेको लङ्ग आइल्याण्ड जिविश मेडिकल सेन्टरमा नर्सलाई पहिलो पटक दिइएको अमेरिकी सञ्चारमाध्यमले जनाएका छन् ।
नियामक नियाक निकाय फुड एण्ड ड्रग्स एड्मिनिस्ट्रेसन (एफडिए) ले स्वीकृति प्रदान गरेपछि अमेरिकामा खोप अभियान सुरु भएको हो ।
यस्तै जोन्स हप्किन्स विश्वविद्यालयको कोरोना भाइरस स्रोत केन्द्रका अनुसार अमेरिकामा कोभिड–१९ का कारण तीन लाख ४७४ जनाको ज्यान गएको पुष्टि भएको छ ।
त्यहाँ कुल संक्रमितको संख्या एक करोड ६५ लाख १५ हजार सात सय भन्दा धेरै पुगेको छ।