सिमकोट-खार्पुनाथ गाउँपालिकाले जिल्ला प्रहरी कार्यालयलाई सोलार प्यानल सहितका सामग्री सहयोग गरेको छ । विधुत नियमित नहुने भएपछि प्रहरी कार्यालयले गाउँपालिकालाई सहयोग मागेकोमा खार्पुनाथ गाउँपालिका सोलार प्यान सहयोग गरेको हो।
गाउँपालिका अध्यक्ष कर्ण बहादुर रावलका अनुसार प्रहरी कार्यालयका लागि आबश्यक सोलार प्यानलका सामाग्रीहरु सहयोग गरिएको बताए।
सहयोग गरिएका सामाग्रीहरुमा सोलार प्यानल चार थान, चार थान ब्याट्री, एक थान इन्भटर र ब्याकअप सामाग्री रहेका छन्।
केही दिन अगाडी सोलार प्यानसको सहयोगका लागि प्रहरीले गाउँपालिकासंग माग गरेको थियो । उक्त सामग्री चार लाख मुल्यका रहेका छन्।
अनियमित विधुतको कारण यसअघि काम गर्न समस्या भएको बेला सामाग्री पाएपछि प्रहरी नायव उपरिक्षक सुर्य प्रकाश सुबेदीले अब कार्यालयमा काम गर्न सहज हुने बताएका छन्।
प्रहरीले यी अत्याबश्यक सामाग्री केन्द्रबाट उपलब्ध नहुने भएपछि गाउँपालिकालाई केही समय अगाडी माग गरिएको थियो । उक्त सामाग्री कर्णाली प्रदेश सभा ख नम्बर क्षेत्रका सासद एवं प्रतिपक्ष दलका नेता जीवन बहादुर शाहीले प्रहरीलाई हस्तान्तरण गरेका हुन ।
भर्खरै
लोकप्रिय
