काठमाडौँ-नेकपाका दुई अध्यक्ष केपी शर्मा ओली र पुष्पकमल दाहालबीच गत भदौ २६ गते स्थायी समितिले गरेको निर्णयका आधारमा अघि बढ्ने सहमति भएपछि संसदको विशेष अधिवेशनको प्रस्ताव फिर्ता भएको छ।
संविधानको धारा ९३ को उपधारा ३ अनुसार एक चौथाइ सदस्यको हस्ताक्षरसहित विशेष अधिवशेन बोलाउन राष्ट्रपति कार्यालयमा पत्र बुझाउन गएका नेताहरु भीम रावल र पम्फा भुसाल फर्किएका हुन्।
रावल र भुसाल बुधबार बिहान १२ बजे नै राष्ट्रपति कार्यालय पुगे पनि अधिवेशन आह्वानसम्बन्धी प्रस्ताव दर्ता गर्न राष्ट्रपतिको सचिवालयले आनाकानी गरिरहेको थियो।
सचिव हरि पौडेलले पत्र बुझेर सम्पर्क विहीन भए पनि रावलले आफूहरु पाँच घण्टासम्म कुरेर बसेको जानकारी दिए।
ओली दाहालबीच सहमित भएपछि प्रचण्डले प्रस्ताव फिर्ता लिन निर्देशन दिएपछि रावल र भुसाल दर्ता नगराई स्थायी समिति बैठकमा भाग लिन बालुवाटार पुगेका छन्।
भर्खरै
लोकप्रिय
