धनगढी– सुदूरपश्चिममा शुक्रबार थप ७२ जनामा कोरोना संक्रमण पुष्टि भएको छ। सुदूरपश्चिम प्रदेशका ३ वटा प्रयोगशालामा गरिएको परिक्षणमा ७२ जनामा संक्रमण पुष्टि भएको सामाजिक विकास मन्त्रालयले जनाएको छ।
मन्त्रालयका प्रवक्ता नरेन्द्र सिंह कार्कीका अनुसार शुक्रबार सेती प्रादेशिक अस्पतालमा ४४, कमलबजार अस्पताल अछामको प्रयोगशालामा १२ र डडेल्धुरा अस्पतालको प्रयोगशालामा गरिएको परीक्षणमा १६ जनामा संक्रमण पुष्टि भएको हो।
तीमध्ये कैलालीका २८, कञ्चनपुरका ८, अछाम जिल्लाका १२, बाजुराका ३, डडेल्धुराका १८, दार्चुलाका १ तथा डोटी र अन्य जिल्लाका १/१ जना रहेका छन्।
योसँगै सुदूरपश्चिममा कोरोना संक्रमण हुनेको संख्या १२ हजार ७ सय ५९ पुगेको छ। संक्रमण पुष्टि भएकामध्ये १० हजार १ सय ४७ जना निको भएर घर गएका छन् भने २ हजार ५ सय ६६ जनामा सक्रिय संक्रमण रहेको मन्त्रालयका प्रवक्ता कार्कीले बताए। उनका अनुसार कोरोना संक्रमणका कारण हालसम्म सुदूरपश्चिममा ४६ जनाको मृत्यु भएको छ।
सुदूरपश्चिममा हालसम्म १ लाख २७ हजार १४ जनाको स्वाब संकलन गरिएको र ति मध्ये शुक्रबारसम्म १ लाख २६ हजार ४ सय २२ नमुनाको परीक्षण भएको मन्त्रालयले जनाएको छ।
परीक्षण भएका मध्ये १ लाख १३ हजार ६ सय ६३ जनामा कोरोना नरहेको मन्त्रालयले जनाएको छ। हाल संकलन गरिएकामध्ये ५ सय ९२ स्वाबको परीक्षण हुन बाँकी रहेको मन्त्राललये जनाएको छ।
भर्खरै
लोकप्रिय
