रियल मड्रिडले शीर्ष स्थानको एथ्लेटिको मड्रिडसँग अंक बराबरी गरेको छ । स्पेनिस ला लिगा फुटबल अन्तर्गत आइतबार राति भएको खेलमा एइबरलाई रियल मड्रिडले ३–१ ले पराजित गरेको हो ।
अवे मैदानमा भएको खेलमा मड्रिडलाई जिताउन करिम बेन्जिमा, लुका मोड्रिक र लुकास भाज्क्वेजले गोल गरे । एइबरका लागि किकेले एक गोल फर्काएका हुन् ।
बेन्जिमाले छैतौँ तथा माड्रिडकले १३ औँ मिनेटमा गोल गरि रियल मड्रिडलाई अग्रता दिलाएका थिए । २८ औँ मिनेटमा किकेले एइबरका लागि एक गोल फर्काए ।
इन्जुरी समयको दोस्रो अर्थात ९२ औँ मिनेटमा भाज्क्वेजले गोल गरेपछि रियल मड्रिडले जित दर्ता गरि दोस्रो स्थानमा उक्लिएको हो । उसको १४ खेलबाट २९ अंक भएको छ । दुई खेल कम खेलेको एथ्लेटिको मड्रिडको पनि २९ अंक नै छ ।
पराजित भएको एइबर १५ अंकसहित १४ औँ स्थानमा छ । आइतबार राति भएका अरु खेलमा सेल्टा डी भिगोले एलाभेस, ग्रानाडाले रियल बेटिस तथा गेटाफेले काडिजलाई समान २–० ले पराजित गरेका छन् ।
भर्खरै
लोकप्रिय
