बेलायतमा कोरोना महामारी बढेपछि साउदी अरबद्वारा अन्तर्राष्ट्रिय उडानमा प्रतिबन्ध

काठमाडौँ- बेलायतमा कोरोना महामारी ह्वात्तै बढेपछि साउदी अरबले विश्वभरका त्यहाँ हुने अन्तर्राष्ट्रिय उडानमा प्रतिबन्ध लगाएको छ।

नेपाल नागरिक उड्डयन प्राधिकरणका अनुसार साउदी अरबले पहिलो चरणमा एक साताका लागि सम्पूर्ण अन्तर्राष्ट्रिय उडानमा रोक लगाएको छ। यसैबीच नेपालबाट साउदी अरबमा हुने नियमित उडान पनि रोकिएका छन्।

हिमालय एयरलाइन्सले टिकट लिइसकेका यात्रुले त्यसबापतको रकम फिर्ता लिन आग्रह गरेको छ। साउदी अरबको नागरिक उड्डयन प्राधिकरणले प्रतिबन्ध थप एक साता लम्बिन सक्ने जनाएको छ।