काठमाडौँ- पछिल्लो चार महिनामा करिब ६ हजार विदेशी नेपाल भित्रिएका छन्।
अध्यागमन विभागका अनुसार साउनदेखि मंसिरसम्म ६ हजार २ सय ८० जना विदेशी नेपाल आएका छन्। यीमध्ये चार हजार २ सय १२ पुरुष र २ हजार ६७ जना महिला छन्। यसैगरी एक जना बच्चा छन्। यसरी भित्रने विदेशी एक सय ७ देशका छन्।
अमेरिकाबाट ८ सय ४५, बेलायतबाट पाँच सय २३, टर्कीबाट एक सय ८०, रुसबाट एक सय १६, मेक्सिकोबाट एक सय ७, भारतबाट ३ सय २१ (हवाई मार्ग), चीनबाट पाँच सय १८, क्यानडाबाट एक सय ९ र अस्ट्रेलियाबाट ९० जना आएका छन्।
अध्यागमन विभागका अनुसार यस अवधिमा ११ हजार ६ सय ५६ विदेशी नेपालबाट बाहिरिएका छन्। यीमध्ये सात हजार ७ सय ५२ पुरुष र ३ हजार ८ सय ६१ जना महिला छन्। ४३ जना बच्चा छन्।
यसैगरि साउनदेखि मंसिरसम्म एक लाख ५४ हजार २ सय २१ जना नेपाली स्वदेश फर्किएको र ७८ हजार २ सय ३४ जना नेपाली विदेश गएको अध्यागमनले जनाएको छ।
भर्खरै
लोकप्रिय
