नयाँ कोरोना भाइरसको प्रभाव : साउदी अरबपछि ओमानले पनि लगायो अन्तर्राष्ट्रिय उडानमा प्रतिबन्ध

काठमाडौँ- नयाँ र बढी संक्रामक प्रजातीको कोरोना भाइरस फैलिरहेको भन्दै ओमानले सम्पूर्ण अन्तर्राष्ट्रिय हवाई उडान एक साताका लागि बन्द गर्ने निर्णय गरेको छ।

ओमानस्थित नेपाली दुतावासका अनुसार ओमान जाने र ओमानबाट जाने सम्पूर्ण अन्तर्राष्ट्रिय हवाई उडान बन्द गरिएको छ। साथै स्थल मार्ग पनि बन्द गरिएको छ।

पहिलो चरणमा एक साताका लागि बन्द गरिएको र स्थितीको मुल्यांकन गरेर आगामी निर्णय गरिने ओमान सरकारका अधिकारीको भनाई उदृत गर्दै त्यहाँस्थित नेपाली दुतावासले जनाएको छ।

यसअघि साउदी अरबले पनि सम्पूर्ण अन्तर्राष्ट्रिय हवाई उडान एक साताका लागि बन्द गर्ने निर्णय गरेको थियो।