अ
+
अ
अ
-
भारतीय सिनेमा जगतका सुपरस्टार रजनीकान्त स्वास्थ्यमा समस्या देखिएपछि अस्पताल भर्ना भएका छन्।
उच्च रक्तचापको समस्याका कारण उनलाई हैदरावादस्थित अपोलो अस्पतालमा भर्ना गरिएको भारतीय सञ्चारमाध्यमले जनाएका छन्।
७० वर्षीय अभिनेता राजनीकान्तलाई अन्य स्वास्थ्य समस्या भने देखिएको छैन। तर रक्तचाप सामान्य नबनेसम्मका लागि उनलाई चिकित्सकको प्रत्यक्ष निगरानीमा राखिएको बताइएको छ।
पछिल्लो समय रजनीकान्त आफ्नो आगामी चलचित्र ‘अन्नाथे’को सुटिङ गरिरहेका थिए। तर सुटिङका क्रममा सेटमा कार्यरत ८ जनालाई कोरोना संक्रमण देखिएपछि चलचित्रको छायांकन रोकिएको थियो।
त्यसपछि रजनीकान्तले कोभिड–१९ परीक्षण गराएका थिए। जसमा उनको रिपोर्ट नेगेटिभ आएको थियो।
भर्खरै
लोकप्रिय
