दाङ – प्रधानमन्त्री कप महिला राष्ट्रिय क्रिकेट प्रतियोगीता (टी–२०) को पहिलो खेलमा प्रदेश नम्बर २ ले लुम्बिनी प्रदेशलाई ७८ रनको लक्ष्य प्रस्तुत गरेको छ ।
लमहीको अन्तर्राष्ट्रिय क्रिकेट मैदानमा टस हारेर ब्याटिङ थालेको प्रदेश नम्बर २ ले निर्धारित २० ओभरमा ७ विकेट गुमाउँदै ७७ रन बनायो । प्रदेश २ का लागि ओपनर सना प्रविन र अनु चौधरीले सर्वाधिक २१–२१ रनको योगदान दिए ।
फास्ट बलर सुस्मिता भुषालले पहिलो ओभरको चौथो बलमा मेलिना रायमाझीलाई शून्य रनमा बोल्ड आउट गरेकी थिइन् । चौथो ओभरको पाँचौँ बलमा स्वस्तीका बजगाईंले गोमा आलेलाई ३ रनमा एलबिडब्लू आउट गरिन् । सुस्मिताले पाँचौँ ओभरको चौथो बलमा कप्तान सरस्वती चौधरीलाई विकेटकिपर नितु भण्डारीबाट क्याच आउट गराएकी थिइन् ।
स्पिनर गीता गोसाईको १३ औँ ओभरको चौथो बलमा अघि सेरर सट खेल्नेक्रममा अनुराधा विकेटकिपर नितुबाट स्टम्पिङ हुन पुगेकी थिइन् । उनले ४१ बलमा १ चौका प्रहार गरिन् । १९ औँ ओभरको अन्तिम बलमा बिमला मगरलाई सुस्मिताले १० रनमा एलबिडब्लू आउट गरिन् । उनले १४ बलमा १ चौका प्रहार गरिन् ।
लुम्बिनीकी सुस्मिता भुषालले ४ ओभरमा १० रन खर्चेर ३ विकेट लिइन् । स्वस्तीका बजागाईंले ४ ओभरमा १७ रन खर्चेर १ विकेट लिइन् । स्पिनर गीता गोसाईको नाममा १ विकेट लिइन् । अहिले लुम्बिनी प्रदेशले ब्याटिङ्ग गरिरहेको छ ।
पूर्वाधार विकासमा अझै ध्यान दिन्छौँ
प्रधानमन्त्री कप महिला राष्ट्रिय क्रिकेट प्रतियोगीताको उद्घाटन लमही नगरपालिकाका नगर प्रमुख कुलबहादुर केसीले गरे ।
नेपाल क्रिकेट संघ लुम्बिनी प्रदेशका अध्यक्ष दुर्गाबहादुर थापाको अध्यक्षतामा भएको खेलको नगर प्रमुख केसीले उद्घाटन गर्दै खेल पूर्वाधार निर्माणमा अझैं ध्यान दिने बताए ।
क्रिकेट खेलको विकासमा अतुलनिय योग्दान पु¥याएको भन्दै नगर प्रमुख केसीलाई दोसल्ला ओढाएर सम्मान गरियो ।
भर्खरै
लोकप्रिय
