गुल्मीमा ट्रकको ठक्करबाट दुईजनाको मृत्यु

बुटवल – गुल्मीमा शनिबार राति ट्रकको ठक्करबाट दुईजना पैदल यात्रीको ज्यान गएको छ ।

रेसुङ्गा नगरपालिका–१३ भगारिका २६ वर्षका टोप बहादुर रजालि र २३ वर्षका बालकृष्ण भुजेलको ट्रकको ठक्करबाट ज्यान गएको जिल्ला प्रहरी कार्यालय गुल्मीका प्रमुख प्रहरी उपरीक्षक प्रविणलाल श्रेष्ठले जानकारी दिए ।

उनीहरुलाई बुटवलबाट तम्घास आउँदै गरेको ना ५ ख ३२०४ नम्बरको ट्रकले रेसुङ्गा नगरपालिका वडानम्बर–१३ भगारी स्थित मसिने खोलामा ठक्कर दिएको थियो ।

दुवैजनाको घटना स्थलमै ज्यान गएको प्रहरी उपरिक्षक श्रेष्ठले बताए। चालक र ट्रकलाई प्रहरीले नियन्त्रणमा लिएको जनाएको छ । मृतकको शवलाई पोष्टमार्टकको लागि गुल्मी अस्पताल तम्घासमा राखिएको छ ।