चर्चित बलिउड अभिनेत्री दीपिका पादुकोण आज आफ्नो ३५ औँ जन्मदिन मनाउँदै छिन्। सन् १९८६ जनवरी ५ मा डेनमार्कको कोपनहेगनमा जन्मिएको दीपिका सन् २००७ मा प्रदर्शनमा आएको चलचित्र ‘ओम शान्ति ओम’बाट बलिउडमा डेब्यू गरेकी थिइन्।
उनी ‘ओम शान्ति ओम’मा सुपरस्टार शाहरुख खानसँग मूख्य भुमिकामा देखिएकी थिइन्। उनले हालसम्म दुई दर्जनभन्दा बढी चलचित्रहरुमा अभिनय गरिसकेकी छन्।
दीपिका आजका दिनमा बलिउडकी सर्वाधिक महँगी नायिका हुन्। तर उनले आफ्ना अभिनय यात्राको सुरुवात मोडेलको रुपमा गरेकी थिइन्।
उनका बुवा प्रकाश पादुकोण भारतका ब्याडमिन्टनका राष्ट्रिय खेलाडी हुन्। सुरुमा दीपिकाले पनि ब्याडमिन्टन खेलिन्। उनले राष्ट्रिय स्तरसम्म ब्याडमिन्टन खेलेपनि त्यसपछि उनले अभियनमा आफ्नो करियर बनाउने निर्णय गरेकी थिइन्।
उनले हालसम्म ‘पद्मावत’, ‘बाजिराव मस्तानी’,’चेन्नई एक्सप्रेस’, ‘पिकु’, ‘ह्यापी न्यू इयर’, ‘छपाक’ लगायतका बलिउडमा कैयौँ हिट चलचित्र दिइसकेकी छन्।
दीपिकाले सन् २०१८ मा अभिनेता रणवीर सिंहसँग विवाह गरेकी थिइन्।
भर्खरै
लोकप्रिय
