न्युजिल्यान्डका कप्तान केन विलिम्सनले टेस्ट क्रिकेटमा चौथो दोहोरो सतक बनाएका छन्।
पाकिस्तानविरुद्ध जारी दुई खेलको टेस्ट शृंखलाअन्तर्गत दोस्रो खेलको पहिलो पारीमा विलियम्सनले २ सय ३७ रन जोडे। न्युजिल्यान्डले पहिलो पालीमा ६ विकेट गुमाएर ५९ रन जोडेपछि समाप्तीको घोषणा गरेको छ।
पाकिस्तानलाई पहिलो पालीमा २ सय ९७ रनमा समेटेको न्युजिल्यान्डले समग्रमा तीन सय ६२ रनको अग्रता लियो। पाकिस्तानले तेस्रो दिनको खेल सकिँदा दोस्रो पालीमा एक विकेट गुमाएर ८ रन जोडेको छ।
पाकिस्तान अझै तीन सय ५४ रनले पछाडि छ। न्युजिल्यान्डले यो खेल जिते टेस्ट वरियतामा पहिलो नम्बरमा पुग्ने छ।
विलियम्सनले समग्रमा २४ औँ टेस्ट सतक बनाएका हुन्। उनी हाल टेस्ट क्रिकेटको ब्याट्सम्यान वरियतामा शीर्षस्थानमा छन्।
पाकिस्तानविरुद्धको शानदार पालीमा विलियम्सनको तीनपटक क्याच ड्रप भएको थियो। उनले हेनरी निकोलासँग चौथो विकेटका लागि तीन सय ६९ रनको साझेदारी गरेका थिए।
भर्खरै
लोकप्रिय
