सिमकोट- जिल्ला निर्वाचन कार्यालयले आगामी वैशाख १७ र २७ गते हुने निर्बाचनका लागि सहायक नाम दर्ता अधिकारीलाई पहिले कार्यक्रमका रुपमा मतदाता उद्यावधिक गर्नका लागि अभिमुखीकरण तालिम दिएर पहिलो कार्यक्रम सञ्चालन गरेको छ।
निर्बाचनका लागि कार्यालयले सार्वजनिक गरेको कार्य तालिका अनुसार काम अगाडी बढाउन सात वटै गाउँपालिकाबाट कर्मचारी झिकाएर अभिमुखीकरण कार्यक्रम सुरु गरेको हो।
निर्बाचन केन्द्रीत कार्यक्रम अनुसार माघ १६ र १७ गतेका लागि मतदाता नामावली अध्याबधिक गर्ने, नाम हटाउने, नाम सच्याउने, दाबी बिरोध गर्ने कार्यक्रम तय भए अनुसार सबै गाउँपालिकाका एक एक जना सहायक नाम तर्दा अधिकारीलाई अभिमुखीकरण गरिएको जिल्ला निर्वाचन अधिकारी महेश कुमार थापाले जानकारी दिए।
जिल्लामा अभिमुखीकरणमा सिकेका कुरा अनुसार प्रत्येक गाउँपालिका निर्धारित कार्यक्रम सञ्चालन हुने उनले बताए। अभिमुखीकरणमा सात गाउँपालिकाका सात जनाको सहभागिता रहेको छ।
भर्खरै
लोकप्रिय
