मारिओ द्राघी इटालीको प्रधानमन्त्री बन्ने पक्का भएको छ । उनले औपचारिक रुपमा इटालीको नयाँ प्रधानमन्त्री बन्ने प्रस्ताव स्वीकार गरेसँगै शनिबार शपथ लिने तय भएको हो ।
युरोपियन केन्द्रीय बैंकका पूर्व प्रमुख द्राघीले राष्ट्रपतिसँगको भेटपछि आफ्नो मन्त्रीमण्डल घोषणा गरेका हुन् ।
गएको महिना अघिल्लो सरकार ढलेपछि नयाँ सरकार गठनका लागि द्राघीले सबै प्रमुख राजनीतिक दलको समर्थन पाएका हुन् ।
कोरोना भाइरसविरुद्धको अभियानका लागि जुटाइएको युरोपियन कोषको प्रयोग कसरी गर्ने भन्ने सम्बन्धमा विवाद रहेको छ र त्यसलाई समाधान गर्ने जिम्मा द्राघीको सरकारमा हुनेछ ।
इटालीमा कोरोना भाइरसको संक्रमणबाट ९३ हजार भन्दा धेरैको ज्यान गइसकेको छ ।
प्रमुख पार्टी तथा सांसदहरुको समर्थन पाएकाले द्राघीको सरकारले आफ्ना एजेण्डा सहज रुपमा अघि बढाउन सक्ने ठानिएको छ ।
गठबन्धन सरकारमा आफ्नो पार्टीले समर्थन गुमाएपछि गुइसेपे कोन्तेले गएको जनवरीमा प्रधानमन्त्रीबाट राजीनामा दिएका थिए ।
भर्खरै
लोकप्रिय
