आखिर कुरा उही

जता फर्कि खुँदो खान्छन् आखिर कुरा उही
घिउ खान आफ्नै लान्छन् आखिर कुरा उही।।

सुताएँ बैरि थाङ्नामा भन्थे बाक्लै खुँदो खाए
अब के के भन्ने जान्छन् आखिर कुरा उही।।

राता हरिया जो आउन् बिउ एकै ब्याड्का
आफू तिरै दुना तान्छन् आखिर कुरा उही।।

गतिलो चाहिँ पर्छ पाखा थैली बस्छ काखा
पटकेलाइ फेरि छान्छन् आखिर कुरा उही।।

तल हुन्जेल म्याउ गर्छन् दुवै हात जोड्छन्
माथि पुगे के के ठान्छन् आखिर कुरा उही।।

दाउ परे ठाउँमा पुगि झण्डा हल्लाउछन्
हामी तिरै डण्डा हान्छन् आखिर कुरा उही।।

न खुइलाए न भुत्ला झारे हातमा डाडु हुँदा
भाषणमा प्वाँख हाल्छन् आखिर कुरा उही।।