
भक्तपुर – महाशिवरात्रिको अवसरमा भक्तपुरका डोलेश्वर महादेव मन्दिरमा दर्शनार्थीको बिहीबार बिहानैदेखि घुईँचो लागेको छ ।
प्रशिद्ध धार्मिकस्थल केदारनाथको शिरका रुपमा लिइने डोलेश्वर महादेव मन्दिरमा दर्शनका लागि भक्तपुर र आसपासका क्षेत्रसहित देशका विभिन्न भागबाट दर्शनार्थी पुगेका हुन् ।
शिवरात्रिका लागि नेपाल तथा भारतका विभिन्न स्थानबाट आएका साधुहरुले धुनी बालेका छन् ।
कोरोना भाइरसको महामारीका कारण विगतका वर्षमा भन्दा यो पटक दर्शनार्थी कम छन् । तर दर्शनका लागि पुगेकाहरुलाई लामवद्ध गरेर भित्र प्रवेश गराइएको मन्दिर व्यवस्थापन समितिले जनाएको छ ।
मुलगेटमै स्थानीय तहको समन्वयमा दर्शनार्थीका लागि मास्कको व्यवस्था गरिएको छ । मास्क लगाएर मात्रै भित्र प्रवेश गर्न दिइएको छ । तर केहीले भने सो मास्क केही बेरमै फुकालेका छन् ।
देश सञ्चारकी सुजाता खत्रीले महाशिवरात्रिको बिहान डोलेश्वर महादेव मन्दिरमा देखिएको चहलपहल केही तस्बिरमा समेट्ने प्रयास गरेकी छन् ।