अ
+
अ
अ
-
काठमाडौँ– सिरहाको मालपोत कार्यालय आइतबार दिउँसो भएको बम विष्फोटमा घाइते भएका एकजनालाई नेपाली सेनाको हेलिकप्टरबाट थप उपचारका लागि काठमाडौँ ल्याइएको छ।
बम विष्फोटमा गम्भीर घाइते दिनेश कुमार भण्डारीलाई थप उपचारको लागि आइतबार अपराह्न काठमाडौँ ल्याइएको हो। उनलाई बोकेर आएको हेलिकप्टर टुँडिखेलमा अवतरण भएको थियो।
भण्डारीलाई उपचारको लागि राष्ट्रिय ट्रमा सेन्टरमा भर्ना गरिएको छ।
विस्फोटमा ७ जना घाइते भएका थिए। मालपोत कार्यालयको पहिलो तलामा प्रेसर कुकर बम विस्फोट भएको प्रहरीको भनाइ छ। घटनास्थलमा गणतान्त्रिक तराई मुक्ति मोर्चा गोइत समूहको नाममा पर्चाहरु भेटिएका छन्।
सरकारले आफ्ना मागहरु पूरा नगरेकाले विस्फोट गराएको पर्चामा उल्लेख छ।
भर्खरै
लोकप्रिय
