काठमाडौँ– थापाथली इन्जिनियरिङ क्याम्पसमा अध्यनरत विद्यार्थीहरुले इलेक्ट्रिकल भेइकल बनाएका छन्। विद्यार्थीहरुले आगामी सेप्टेम्बरमा आयोजना हुन लागेको विश्व प्रतिस्पर्धाका लागि उक्त भेइकल बनाएका हुन्।
अहिले गाडीको चेसिस मात्र तयार भएको छ। सिरेटो टिमका अनुसार कलेजको परीक्षाका कारण इभीको बाहिरी भाग (फ्रेम) बनाउने काम बाँकी छ । उनीहरुले बाहिरी भाग पनि चाँडै बनाउने बताएका छन्।
गोल्छा ग्रुपको सि.एस.आर अन्तर्गत यो इलेक्ट्रिकल भेइकल बनाउन गोल्छा ग्रुपले सहयोग गरेको छ।
उनीहरुको समूहको नाम सिरेटो हो। सिरेटोको अर्थ मौसम परिवर्तन हुँदा चल्ने चिसो बतास (सिरेटो) सँग जोडेर टिमको नामकरण गरेका हुन्। अर्थात् प्रतियुनिट विद्युतबाट केही किलोमिटर गुड्ने गाडीलाई मौसम परिवर्तन जस्तै अनुभूत गराउँदै धेरैभन्दा धेरै माइलेज दिने योजनामा लागेका छन्।
सेल इनर्जीले अमेरिका, युरोप र एसियाली मुलुकमा म्याराथन आयोजना गर्दै आइरहेको छ। जहाँ विद्युतीय, पेट्रोलियम र हाइड्रोजन फ्यूलबाट चल्ने गाडीबीच प्रतिस्पर्धा हुन्छ । यो प्रतिस्पर्धामा थोरै इनर्जी खपत गरेर धेरै माइलेज दिने आविष्कार उत्कृष्ट ठहरिन्छ ।
सिरेटो टिममा स्नातक तेस्रो वर्षमा अध्ययनरत मेकानिकल, अटोमोबाइल, इलेक्ट्रिकल लगायत विभिन्न विधाका १० विद्यार्थी सहभागी रहेका छन् ।
फ्याकल्टी एडभाइजर सुबोध कुमार घिमिरेले उनीहरूलाई डोहोर्याइरहेका छन्। घिमिरेको सल्लाह र सुझाव लिँदै मेकानिकल विषय पढिरहेका सौगात पाण्डे, धनप्रसाद प्रधान र ओजश्वी शर्मा अनि अटोमोबाइल विषय पढिरहेका अनिल खड्का, अमन श्रेष्ठ, युगेन महर्जन, भुवनेश्वर दाहाल र विवेक पौडेलका साथै इलेक्ट्रोनिक्स एन्ड कम्युनिकेसन विषय पढिरहेका स्वर्णिम श्रेष्ठ सबैको दिमागले भ्याएसम्म राम्रो र उत्कृष्ट निर्माणमा लागिरहेका छन्।
भर्खरै
लोकप्रिय
