काठमाडौँ – नेकपा एमालेको माधव नेपाल समूहको राष्ट्रिय कार्यकर्ता भेला सुरु भएको छ । ललितपुरको सानेपा हाइटमा रहेको हेरिटेज गार्डेनमा नेता झलनाथ खनाललको अध्यक्षमा भेला सुरु भएको हो ।
माधव नेपाललाई विशेष अतिथि बनाइएको छ ।
बदलिँदो राजनीतिक परिस्थितिमा छलफल गर्न, एकीकृत धारणा बनाउन र देशव्यापीरुपमा पार्टी पङ्क्तिलाई त्यस आधारमा अघि बढाउनका लागि राष्ट्रिय कार्यकर्ता भेला गरिएको नेपाल समूहले जनाएको छ।
एमाले सचिव योगेश भट्टराईले राष्ट्रिय कार्यकर्ता भेलामा पार्टीलाई सुदृढ, एकताबद्ध, क्रियाशील र विधान सम्मतरुपमा अघि बढाउने सम्बन्धमा व्यापक छलफल हुने बताए।
भेलामा केन्द्रीय कमिटीका तर्फबाट एक अवधारणात्र प्रस्तुत गरिने, टोली विभाजन गरी सबै सहभागीले आफ्ना मत राख्न पाउने गरी छलफल र पारित गरिने जनाइएको छ।
मंगलबार बालुवाटारमा आयोजित चियापान समारोहबाट प्रधानमन्त्री ओलीले गुटका भेलामा जाने एमाले नेता तथा कार्यकर्तालाई कारबाहीको चेतावनी दिएका थिए।
भर्खरै
लोकप्रिय
