शाओमीको ‘एमआई राउटर फोर सी’को मूल्य घट्यो

काठमाडौँ– शाओमी नेपालले ‘एमआई राउटर फोर सी’ को नयाँ संस्करण सार्वजनिक गरेको छ। पहिलाको भन्दा कम मूल्यमा विभिन्न फिचरहरु जोडेर नयाँ राउटर सार्वजनिक गरिएको हो।

सकेसम्म धेरै ग्राहकहरुलाई इन्टरनेटसँग जोड्न र समस्या बिना नै नेटवर्क खोज्न नयाँ संस्करण सार्वजनिक गरेको कम्पनीले जनाएको छ।

सार्वजनिक भएको नयाँ राउटरमा ४ ओटा एन्टिना रहेका छन्, जसलाई ६४ ओटा स्मार्ट डिभाइसहरुसँग एकैसाथ जोड्न सकिन्छ। यो राउटरले २.४ गिगाहर्ज वाइफाइ ब्याण्ड सपोर्ट गर्छ।

साथै यस राउटरमा १६ एमबी नोर फ्ल्यास रोम र ६४ एमबी डिडिआरटू र्‍याम छ, जसले ६४ वटै डिभाइसमा इन्टरनेट कनेक्ट गराउँछ। यस राउटरले ३०० एमबिपिएससम्म वायरलेस स्पिड दिनेछ।

यस्तो छ ‘एमआई राउटर फोर सी’को मूल्य

सन् २०२० को जुलाईमा यो राउटर सार्वजनिक हुँदा मूल्य २ हजार ३ सय रुपैयाँ थियो। तर शाओमी नेपालले यसको नयाँ मूल्य १ हजार ५ सय ९९ रुपैयाँ तोकेको छ।

शाओमीले बिना आर्थिक समस्या इन्टरनेटमा सबैको पहुँच होस् भन्ने उद्देश्यले यो राउटरलाई सार्वजनिक गरेको जनाएको छ।

हाल उक्त राउटर शाओमीका शोरुमहरुमा उपलब्ध छ। छिट्टै अनलाइन पसल दराज र सस्तो डिलमा उपलब्ध हुने कम्पनीले जानकारी गराएको छ।