सिमकोट– हुम्लाको खार्पुनाथ गाउँपालिकाले आफ्नो शैक्षिक प्रोफाइल तयार गरी प्रकाशन गरेको छ।
गाउँपालिकाको समग्र शिक्षा क्षेत्रको यथार्थ विवरण सार्वजनिक गर्न र विकास गर्न गाउँपालिकाले शैक्षिक प्रोफाइल तयार गरेको गाउँपालिका अध्यक्ष कर्ण बहादुर रावलले बताए।
प्रोफाइलको निर्माण भएपछि गाउँपालिकाको शिक्षाको अवस्थाका बारेमा जोकोहीले सहजै जान्न र बुझन सहज हुने गाउँपालिकाको विश्वास छ।
प्रोफाइलले आधारभूत र माध्यामिक तहका विद्यालय, छात्रछात्रा संख्या, भैतिक पूर्वाधारको अवस्था, शिक्षक विद्यार्थी अनुपात, शिक्षक संख्या, महिला र समावेशी शिक्षक संख्या, विद्यालय व्यवस्थापन समितिमा सहभागितालाई महत्वका साथ उल्लेख गरिएको अध्यक्ष रावलले बताए।
दिवा खाजा, छात्रबृद्धि पाउने विद्यार्थीको संख्या, खेल मैदान , घेराबारको अवस्था पनि प्रोफाइलमा समेटिएको छ। शिक्षा क्षेत्रका उपलब्धी, समस्यालाई पनि कलाएर समेटिएको छ। यसबाट खार्पुनाथ गाउँपालिकामा शिक्षा क्षेत्रमा लगानी गर्न निकायलाई सहज हुने विश्वास अध्यक्ष रावलले व्यक्त गरे।
भर्खरै
लोकप्रिय
