सिमकोट– कोरोना कहरका बेला नेपाल प्रहरीका जवानदेखि अधिकृतहरुलाई लक्षित गर्दै मानव अधिकार सम्बन्धी जनचेतनामूलक कार्यक्रम सञ्चालन गरिएको छ। प्रहरीले सबै प्रकारका प्रकोपका बेला मानव अधिकारको सम्मान गरोस् भन्नका लागि अनुशिक्षण कार्यक्रम सञ्चालन गरिएको हो।
प्रहरीमा मानव अधिकारको सम्मान गर्ने वातावरण तयारीका लागि सिपाहीदेखि अधिकृतसम्मका दर्जालाई मानव अधिकार अनुशिक्षण गरिएको प्रहरी नायव उपरीक्षक हेरम्ब शर्माले जानकारी दिए।
कार्यक्रमको सहजकर्तासमेत रहेका प्रनाउ शर्माले प्रहरीले आफूले सेवाग्राहीका लागि सम्पादन गर्ने सेवामा मानव अधिकारको सम्मान गर्न नसके भोलि समस्यामा पर्न सक्नेसमेत बताए।
उनले प्रहरीले दैनिक कार्य सम्पादनका क्रममा हुने मानव अधिकार हनन्का कुरामा सहभागीलाई जानकारी गराएका थिए। प्रहरी सबैको भरोसायोग्य संस्था हो भन्ने मान्याता स्थापित गर्नका लागि पनि मानव अधिकारको सम्मान गर्नु आवश्यक रहेको उनले बताए।
भर्खरै
लोकप्रिय
