करेन्ट लागेर बालकको मृत्यु

झापा – विर्तामोड नगरपालिका–१० ठुटेबर चोकमा बुधबार बिहान करेन्ट लागेर बालकको मृत्यु भएको छ। मृत्यु हुनेमा डम्बरबहादुर गुरुङका तीन वर्षीय छोरा अभिनाश रहेको जिल्ला प्रहरी कार्यालयले जनाएको छ।

गुरुङको बन्दै गरेको घरमा पानी तान्ने मोटरमा रहेको नांगो तार छुन पुग्दा बालकलाई करेन्ट लागेको थियो।

घाइतेलाई उपचारका लागि बिर्तामोडस्थित मनमोहन अस्पताल पु¥याउना साथ चिकित्सकले मृत घोषणा गरेको जिल्ला प्रहरी कार्यालयका प्रवक्ता राकेश थापाले बताए।

६ दिनअघि मात्र कचनकवल गाउँपालिका–६ का ४० वर्षीय डोलु आलम मियाको पानी खाने क्रममा पानी तान्ने मोटरबाटै करेन्ट लागेर मृत्यु भएको थियो।