पर्वतका एक पुरुष ६ दिनदेखि बेपत्ता

पर्वत – पर्वतको कुश्मा नगरपालिका–१४ आर्थर डाँडाखर्कका एक पुरुष विगत ६ दिनदेखि सम्पर्कविहीन भएका छन्। स्थानीय बासिन्दा ६७ वर्षीय बालकृष्ण विक गत असार १५ गतेदेखि सम्पर्कविहीन भएका हुन्।

श्रीमान–श्रीमती मात्रै बस्ने उनिहरुबिच गएको असार १४ गते सामान्य घर झगडा भएको थियो । भोलिपल्ट १५ गते रोपाइँ गर्नका लागि बालकृष्णले खेताला खोजेका थिए। बिहान ८ बजेतीर घरबाट निस्केनका उनी अहिलेसम्म कसैको सम्पर्कमा नआएको स्थानीयवासी शिक्षक सुरेन्द्र शर्मा गौतमले जानकारी दिए।

‘झगडाको रिस मरेपछि घर फर्किनुहोला नि भनेको अहिलेसम्म पनि आउनुभएको छैन”, शिक्षक गौतमले भने, “छोरा विदेशमा र बुहारी पोखरामा हुनुहुन्छ । घरमा रहनुभएकी उहाँकी श्रीमतीलाई समस्या भएको छ ।”

अनुसन्धानका क्रममा कुश्मा नगरपालिकाको दोबिल्लास्थित सन्तोषचोकमा देखिएको बताए पनि कता गए पत्ता नलागेको जिल्ला प्रहरी कार्यालय पर्वतका प्रमुख प्रहरी नायब उपरीक्षक शिवराज बुढाथोकीले बताए।