सिमकोट– बुधबार बेलुका सीता एयरको डोनियर जहाजको सिमकोट विमानस्थलमा टायर पन्चर्ड भएको छ। सुर्खेतबाट कार्गाेको सामान ढुवानी गरिरहेको जहाज विमानस्थलको रन वेमा अवरण गर्ने क्रममा टायर पन्चर्ड भएको हो।
नागरिक उड्डयन प्राधिकरण सिमकोट शाखाका प्रबन्ध मोहन गिरीका अनुसार रन वेमा ल्यान्ड गरिसकेको जहाजको पार्किङ स्थलमा ल्याउनका लागि विमानस्थलको पश्चिमी क्षेत्रमा मोड्ने क्रममा टायर पन्चर्ड भएको हो। जहाजको पछाडिको टायर पन्चर्ड भएपछि जहाज घिस्रेको थियो।
विमानमा सवार चालक दलका सदस्य सकुशल छन्। यसबाट सम्भावित दुर्घटनाबाट सीता एयर जोगिएको छ। चालक दलका सदस्यहरू मात्र रहेको सीता एयरको नाइन.एन.एएचडी डोनिएर विमान छ। विमानको टायर पन्चर्ड भए पनि अन्य केही क्षति नभएको विमानस्थलले जनाएको छ।
उक्त जहाजलाई मानिस मिलेर टायर पन्चर्ड भएको स्थानबाट घचेट्दै पार्किङ स्थलसम्म ल्याइएको छ। नेपालगञ्ज वा सुर्खेतबाट नयाँ टायर ल्याउने तयारी भइरहेको सीता एयरले जनाएको छ।
भर्खरै
लोकप्रिय
