गाई पूजा यसरी भयो पशुपति क्षेत्रमा (तस्बिरहरु)

काठमाडौँ – तिहारको तेस्रो दिन बिहीबार गाई पूजा गरिएको छ । देवी लक्ष्मीको स्वरुपका रुपमा गाईको पूजा गर्ने गरिन्छ ।
बिहान गाई पूजा गरेर बेलुका लक्ष्मीपूजा गर्ने गरिन्छ।

आजैका दिन जनै पूर्णिमा बाँधीको रक्षा बन्धन गाईको पुछारमा बाँध्ने परम्परा पनि छ।

बेलुका ऐश्वर्य, धनधान्य र सम्पन्नताकी देवी लक्ष्मीको पूजा आराधना गरी श्रद्धा भक्तिपूर्वक लक्ष्मीपूजा मनाईँदै छ ।

लक्ष्मी पूजा गरिने कार्तिक कृष्ण औँसीको रातलाई सुखरात्रि पनि भनिन्छ। वर्षभर मनाइने चार प्रमुख रात्रिमध्ये यो पनि एक हो।

लक्ष्मी पूजाका लागि आज साँझ आँगनदेखि मूलढोका हुँदै लक्ष्मी स्थापना गरी पूजा गर्ने कोठासम्म गाईको गोबर र रातोमाटोले लिपपोत गरेर चामलको पीठो र अबीरले लक्ष्मीको पाइला बनाई लक्ष्मी आउने बाटो देखाइन्छ।

देश सञ्चारकी फोटो पत्रकार बर्षा शाहले पशुपति क्षेत्रमा बिहीबार बिहान भएको गाई पूजाका केही तस्बिर खिचेकी छन्।