पुसको पहिलो दिन नै बढ्यो सुनको मूल्य

काठमाडौँ – सुनको मूल्य पुस महिनाको पहिलो दिन बिहीबार बढेको छ।

नेपाल सुनचाँदी व्यवसायी महासंघका अनुसार आज छापावाला सुनको मूल्य तोलामा सात सय रुपैयाँले बढेर ९३ हजार रुपैयाँमा कारोबार भइरहेको छ।

मंसिर महिनाको अन्तिम दिन बुधबार छापावाला सुनको मूल्य तोलाको ९२ हजार तीन सय रुपैयाँ थियो।

तेजाबी सुनको मूल्य पनि तोलामा सात सय रुपैयाँले बढेर ९२ हजार पाँच सय रुपैयाँमा कारोबार भइरहेको छ।

यस्तै चाँदीको मूल्य तोलामा २५ रुपैयाँले बढेर एकहजार २३५ रुपैयाँमा कारोबार भइरहेको छ।