अ
+
अ
अ
-
काठमाडौं- ज्ञानेन्द्र मल्लले खेलाडीको हक हितका विषयमा बोल्दा कप्तानबाटै हटाइएको भन्दै दुख व्यक्त गरेका छन्।
‘ के यो कप्तानबाटै हटाइनुपर्ने अवस्थाको गल्ति हो र ? खेलाडीको हक हितका विषयमा बोल्दा त्यो हदसम्मको गल्ती गरेजस्तो लाग्दैन’, नेपाल क्रिकेट संघ-क्यानले गरेको अनुशासन कारबाहीका विषयमा शुक्रबार आयोजित पत्रकार सम्मेलनमा मल्लले भने।
पत्रकार सम्मेलनमा कारबाहीमा परेका सबै चारै जना खेलाडी उपस्थित थिए। पत्रकार सम्मेलनमा बोल्दै उनले कारबाहीको निर्णयबारे पुनर्विचार गर्न क्यानलाई आग्रह गरे। ‘ निर्णय पुनर्विचार नभए त्यसपछि के गर्ने भन्नेबारेमा सोचिसकेका छैनौँ। हामीले पुनर्विचार हुन्छ भन्ने आशा राखेका छौँ’, मल्लले भने।
भर्खरै
लोकप्रिय
