अ
+
अ
अ
-
काठमाडौँ – काठमाडौँ उपत्यकासहित देशभरकै तापक्रम निरन्तर घट्ने क्रममा छ। जल तथा मौसम पूर्वानुमान महाशाखाका अनुसार काठमाडौँ उपत्यकाको तापक्रम शनिबार तीन डिग्री सेल्सियसभन्दा पनि कम मापन भएको छ।
शनिबार बिहान पौने ९ बजेको मापनअनुसार काठमाडौँ उपत्यकाको न्यूनतम तापक्रम २.६ डिग्री सेल्सियस छ। विगत केही दिनयता तापक्रम घट्दै आएको छ। सबैभन्दा कम जुम्लाको न्यूनतम तापक्रम माइनस ५.३ डिग्री सेल्सियस मापन भएको महाशाखाले जनाएको छ।
यस्तै डडेलधुराको २.१, वीरेन्द्रनगरको ४.४, ताप्लेजुङको ४.६ तथा दिपायलको न्यूनतम तापक्रम ४.९ डिग्री सेल्सियस मापन भएको छ। मौसमविद्ले चिसो बढ्दो क्रममा रहेकाले सावधानी अपनाउन आग्रह गरेका छन्।
भर्खरै
लोकप्रिय
