अ
+
अ
अ
-
काठमाडौं- इन्भर्टरमा विद्युत सर्ट हुँदा सोमबार बानेश्वरस्थित इन्द्रेणी कम्प्लेक्समा आगलागी भएको प्रहरीले प्रारम्भिक निश्कर्ष निकालेको छ।
भवनको छैटौँ तलामा रहेको स्पा एन्ड फिटनेस सेन्टरको इन्भर्टरमा विद्युत सर्ट भएर एक्कासी धुँवाको मुस्लो निस्किएको काठमाडौं प्रहरी प्रवक्ता दिनेश मैनालीले जानकारी दिए।
घटनामा कुनै मानवीय क्षति भने हुन पाएन। अपरान्ह साढे ३ बजे सुरु भएको आगलागी सवा घण्टामा नियन्त्रणमा आएको थियो। जुद्ध बारुण यन्त्रबाट २, ललितपुर महानगरपालिकाबाट २ र भक्तपुरबाट एउटा गरी पाँचवटा दमकल परिचालनपछि आगो नियन्त्रणमा आएको थियो।
प्रवक्ता मैनालीले आगलागीबाट करिब साढे ३ करोड रुपैयाँ बराबरको क्षति भएको प्रारम्भिक अनुमान रहेको बताए।
भर्खरै
लोकप्रिय
