बलात्कृत युवतीको पहिचान खुलाएको आरोपमा दोषी ठहर पत्रकारले माफी मागे, ६ महिनाको कैद मिनाहा

काठमाडौँ- गत जेठमा सुर्खेतमा बलात्कृत किशोरीको तस्विर र पहिचान खुल्ने गरी समाचार सामग्री प्रकाशित गरेको आरोपमा सोमबार जिल्ला अदालतबाट ६ महिना कैदको सजाय हुने ठहर भएका पत्रकारले माफी मागेका छन्।

अदालतले २४ घण्टाभित्र माफी मागेमा कैद सजाय मिनाहा हुने फैसला गरेको थियो। त्यसपछि पत्रकार एग्गेबहादुर बुढामगरले आफ्नो अनलाइनमार्फत माफी मागेका छन्। उक्त माफी ६ महिनासम्म अनलाइनबाट हटाउन नहुने न्यायाधिश राजेन्द्रकुमार अर्यालको एकल इजलासले गरेको फैसलामा शर्त उल्लेख थियो।

जरिवानाबापतको ५ हजार रुपैयाँ भने बुढामगरले बुझाएका छन्।