ललिता निवास प्रकरणमा पक्राउ परेका सुवेदी दम्पतीलाई पाँच दिन थुनामा राख्न म्याद

काठमाडौं- हदम्यादभित्र अदालतमा मुद्दा पेश गर्नुपर्ने दबाबमा रहेको प्रहरीको केन्द्रीय अनुसन्धान ब्युरो-सिआइबीले पक्राउ गरेको रामकुमार सुवेदी र उनकी श्रीमती माधवीलाई ५ दिन थुनामा राखेर अनुसन्धान गर्न अदालतले समय दिएको छ।

मंगलबार पक्राउ परेका उनीहरुलाई बुधबार अदालत पेश गरिएको थियो।

सरकारी जग्गा व्यक्तिको नाममा नामसारी भएको यस प्रकरणमा सुवेदी विचौलियाका रुपमा रहेको सिआइबीको दावी छ। सिआइबीले सरकारी वकिल कार्यालयमार्फत यसै महिनाभित्र अदालतमा मुद्दा पेश गरिसक्नुपर्ने छ।