अस्ट्रेलियामा जारी बिग बास लिग-बीबिएल क्रिकेटअन्तर्गत सन्दीप लामिछाने आबद्ध होबर्ट हुरिकेन्सले मेलबर्न रेनेगेड्सलाई २ सय ७रनको लक्ष्य दिएको छ। टस हारेपछि पहिला ब्याटिङ गर्ने जिम्मा पाएको हुरिकेन्सले निर्धारित २० ओभरमा ५ विकेट गुमाएर २ सय ६ रन बनायो।
हुरिकेन्सका प्रारम्भिक ब्याट्सम्यान बेन म्याकडरमट एक्लैले एक सय २७ रन जोडे। उनले ६५ बलमा ९ छक्का र ९ चौका प्रहार गरे। म्याकडरमटले लगातार दोस्रो खेलमा सतक बनाएका हुन्। अघिल्लो खेलमा उनले एडिलेड स्ट्राइकर्सविरुद्ध पनि एक सय १० रन बनाएका थिए। हुरिकेन्सले अन्तिम ५ ओभरमा ७० रन जोडेको थियो।
सुरुका ६ ओभरमा २ विकेट गुमाएर केवल २८ रन जोडेको हुरिकेन्स त्यसपछि लगातार आक्रामक बनेको थियो। टिम डेभिडले ९ बलमा चार छक्कासहित अविजित ३० रन जोडे।
६ खेलबाट १४ अंक भएको हुरिकेन्स तालिकाको तेस्रो स्थानमा रहेको छ। रेनेगेड्स ५ खेलबाट एक जित र चार हारको नतिजासहित ४ अंक जोडेर तालिकाको आठौँ तथा अन्तिम स्थानमा रहेको छ।
भर्खरै
लोकप्रिय
