चक्कु प्रहार गरी १६ महिने शिशुकाे हत्या

काठमाडाैँ- स्याङ्जाको वालिङमा १६ महिने शिशुकाे हत्या र ५ वर्षीया बालिकाको हत्या प्रयासमा एक व्यक्ति पक्राउ परेका छन्।

प्रहरीले सोही ठाउँमा डेरा गरेर बस्ने पर्वतको पैयुँ गाउँपालिकाका ३३ वर्षीय जितेन्द्र गुरुङलाई पक्राउ गरेको हो। जितेन्द्रले नजिकै डेरा गरि बस्ने रनमाया गुरुङकी छोरी साइना गुरुङ र छोरा साइमन गुरुङलाई चक्कु प्रहार गरेको प्रहरीले जनाएको छ।

गम्भीर अवस्थामा अस्पताल पुर्‍याइएका साइमनको उपचारका क्रममा मृत्यु भएको हो। साइनाको उपचार भइरहेको छ। घटनाबारे थप अनुसन्धान भइरहेको प्रहरीले जनाएको छ।