डिबालाको नेतृत्वमा युभेन्टसको महत्वपूर्ण जित

इटालियन सिरी ए फुटबल अन्तर्गत शनिबार राति भएको खेलमा युभेन्टस विजयी भएको छ।

घरेलु मैदानमा भएको खेलमा युभेन्टसले युडिनेसलाई २–० ले पराजित गरेको हो । युभेन्टसको जितमा १९ औँ मिनेटमा पाउलो डिबालाले गोल गरे । यस्तै ७९ औँ मिनेटमा वेस्टन म्याकनेनीले गोल गरे ।

सिरी ए का पछिल्ला ८ खेलमा अपराजित रहेको युभेन्टस २२ खेलबाट ४१ अंकसहित पाँचौँ स्थानमा छ । शनिबार राति भएको खेलमा तोरिनोले साम्पडोरियालाई २–१ र लाजिओले सोलेर्नितानालाई ३–० ले पराजित गरेको छ ।