काठमाडौँ – मल्पी इन्टरनेशनल कलेजले एसीआईई र साउदर्न क्रस युनिभर्सिटीको सहकार्यमा पहिलो मल्पी फुटसल कप सफलतापूर्वक सम्पन्न गरेको छ ।
मल्पी इन्टरनेशनल कलेजले कक्षा १२ का विद्यार्थी र स्नातकहरूका लागि पहिलो एमआईसी फुटसल प्रतियोगिता २०२२ को आयोजना गरेको हो। उक्त प्रतियोगितामा ५० भन्दा बढी टोलीहरूले भाग लिएको आयोजक मल्पी कलेजले जनाएको छ। कलेजको स्टुडेन्ट बडी–सेन्टर अफ स्पोट्र्स एण्ड हबीले एसीआईई (अन्तर्राष्ट्रिय शिक्षाका लागि सल्लाहकार केन्द्र) र अस्ट्रेलियाको साउदर्न क्रस युनिभर्सिटी मुख्य क्याम्पसको सहकार्यमा प्रतियोगिता आयोजना गरिएको थियो।
प्रतियोगितामा याला एफसी ब्रोजा विजेता र टीम एसीआईई उपविजेता बने।
ग्रोजा एफसीका रोशन खड्का उत्कृष्ट खेलाडी र टीम एसीआईईका पंकेश भुल उत्कृष्ट गोलकिपर घोषित भए। यसैगरी आयुष कुँवरले ८ गोल गरी सर्वाधिक गोलकर्ता भए।
प्रतियोगिताका लागि सोल्टी होटल्स लिमिटेड, युनाइटेड इन्स्योरेन्स, मुक्तिनाथ विकास बैंक, फक्सवागन, एनआईबीएल एस क्यापिटल, सिद्धार्थ बैंक, कामना सेवा विकास बैंकलगायतका कम्पनीहरुले समेत सहयोग गरेका थिए।
मेराकी हेल्थ सोलुसन्सले चिकित्सक र नर्ससहित आवश्यक स्वास्थ्य सेवा उपलब्ध गराएको थियो।
भर्खरै
लोकप्रिय
