अफ्रिका कप अफ नेशन्स : इजिप्ट क्वाटरफाइनलमा, माली स्तब्ध

इजिप्ट अफ्रिका कप अफ नेशन्सको क्वाटरफाइनलमा प्रवेश गरेको छ । बुधबार राति भएको अन्तिम १६ को खेलमा टाइब्रेकरमा आइभरीकोस्टलाई पराजित गरेर इजिप्टले अन्तिम ८ मा स्थान पक्का गरेको हो ।

निर्धारित र थप गरिएको समयमा दुवै तर्फबाट गोल हुन नसकेपछि खेलको निर्णय टाइब्रेकरबाट लिइएको हो । मोहम्मद सालहसहितको इजिप्टले टाइब्रेकरमा ५–४ को जित निकाल्यो ।

यस्तै बुधबार राति नै भएको अर्को खेलमा मालीलाई टाइब्रेकरमा ६–५ ले पराजित गर्दै इक्वेटोरियल गिनीले पनि अन्तिम ८ मा स्थान बनाएको छ । निर्धारित र थप गरिएको समयमा गोल हुन नसकेपछि खेलको निर्णय टाइब्रेकरबाट लिइएको हो ।