काठमाडौं–लोक सेवा आयोगले न्याय सेवाका शाखा अधिकृतको नतिजा सार्वजनिक गरेको छ। आयोगले मंगलबार सार्वजनिक गरेको नतिजा अनुसार न्याय सेवा अन्तर्गत खुला र समावेशी गरेर जम्मा एक सय १४ जना सिफारिस भएका हुन्।
यसमा सबैभन्दा बढी न्याय सेवातर्फ ५९ जना, दोस्रोमा सरकारी वकिल सेवातर्फ ४२ जना र कानून सेवातर्फ १३ जना सिफारिस भएका छन्। न्याय, कानून र सरकारी वलिक समूहको शाखा अधिकृत वा सो सरहको पदमा खुलातर्फ ६७ जना सिफारिस भएका छन्। जसमा सबैभन्दा बढी न्यायतर्फ ३६ जना, दोस्रो सरकारी वकिलमा २४ जना र कानूनतर्फ ७ जना सिफारिस भएका छन्।
यस्तै महिलातर्फ १८ जना सिफारिस हुँदा सबैभन्दा बढी न्याय सेवामा १० जना, सरकारी वकिल सेवामा ६ जना र कानून सेवामा २ जना सिफारिस भएका छन्। आदिवासी जनजातितर्फ १४ जना सिफारिस हुदाँ न्याय सेवामा ८ जना, सरकारी वकिल सेवामा ५ जना र कानून सेवामा एक जना सिफारिस भएका छन्।
मधेशीतर्फ ८ जना सिफारिस हुदाँ सरकारी वलिक सेवामा ४ जना, न्याय सेवामा तीन जना र कानून सेवा एक जना सिफारिस भएका छन्।
दलिततर्फ ३ जना सिफारिस भएकोमा दुई जना सरकारी वलिक र एक जना कानून सेवामा, अपांगता भएका व्यक्तितर्फ २ जना सिफारिस भएकोमा एक जना सरकारी वकिल सेवा र एक जना न्याय सेवा र पिछडिएको क्षेत्रतर्फ २ जना सिफारिस हुदाँ एक जना कानून र एक जना न्याय सेवामा सिफारिस भएका छन्।
हेर्नुहोस् सूची
भर्खरै
लोकप्रिय
