काठमाडौँ– एमसीसी खारेजीको माग गर्दै सत्तारुढ दल नेकपा माओवादी केन्द्र, नेकपा एकीकृत समाजवादीनिकट युवादेखि विप्लव नेतृत्वको नेकपा, मोहन वैद्य नेतृत्वको नेकपा क्रान्तिकारी माओवादीलगायतले आज पनि नयाँ बानेश्वर क्षेत्रमा प्रदर्शन गरे।
संसदभित्र एमसीसी टेबल भइरहँदा बाहिर नयाँ बानेश्वर क्षेत्र तनावग्रस्त रह्यो। दिनभरि नै उक्त क्षेत्र तनावग्रस्त रह्यो।
आन्दोलनकारीमाथि प्रहरीले पानीका फोहोरा, रबरको गोली,अश्रुग्यासदेखि लाठी चार्जसम्म गर्यो। आन्दोलनकारीले पनि प्रहरीमाथि ढुंगा हाने।
प्रदर्शनकारीहरुले निषेधित क्षेत्र तोडेर अगाडि पनि गए। त्यसक्रममा सुरक्षाकर्मी र आन्दोलनकारी दुवैतर्फ केही व्यक्ति घाइते पनि भए। बानेश्वर क्षेत्र तनावग्रस्त हुँदा उक्त बाटो भएर यात्रा गर्ने सर्वसाधारणलाई सास्ती भएको थियो।
आकाशे पुलमा पनि प्रहरी खटाइएको थियो भने प्रहरीको एम्बुलेन्सले घाइते सुरक्षाकर्मीलाई लगेको थियो।
आइतबार साँझ मात्रै बानेश्वर क्षेत्र सामान्य अवस्थामा फर्किएको छ।
भर्खरै
लोकप्रिय
