अ
+
अ
अ
-
भारतका चर्चित गायक तथा संगीत निर्देशक प्रफुल्ल कारको निधन भएको छ ।
उनको आइतबार ८३ वर्षकाे उमेरमा निधन भएकाे हाे ।
ओडिशाका मुख्यमन्त्री नवीन पटनायकले स्वर्गीय प्रफुल्ल कारको राजकीय सम्मानका साथ अन्त्येष्टि गरिने घोषणा गरेका छन् ।
पटनायकले प्रफुल्लकरलाई श्रद्धाञ्जली दिन राज्य सरकारका दुई मन्त्रीहरू अन्तिम संस्कारमा उपस्थित हुनसमेत निर्देशन दिएका छन् ।
उनकाे निधनमा भारतीय नेता तथा कलाकारहरूले श्रद्धाञ्जली अर्पण गरेका छन् ।
कला क्षेत्रमा योगदान पुर्याएकाे भन्दै प्रफुल्ल धेरैपटक सम्मानित भएका छन् । उनलाई सन् २००४ मा जयदेव पुरस्कार र २०१५ मा पद्मश्री प्रदान गरिएको थियो ।
फेब्रुअरी १६, १९३९ मा पुरीमा जन्मेका प्रफुल्ल एक प्रतिष्ठित संगीतकार, गायक, गीतकार, लेखक तथा स्तम्भकार थिए ।
भर्खरै
लोकप्रिय
