कांग्रेसबाट सिद्धार्थनगरको मेयरमा इस्तियाक अहमद खानको नाम सिफारिस

बुटवल– रूपन्देहीको सिद्धार्थनगर नगरपालिकाको प्रमुखमा नेपाली कांग्रेसले इस्तियाक अहमद खानलाई उम्मेद्वार सिफारिस गरेको छ।

सिद्धार्थनगर उपप्रमुख पद गठबन्धनका दलले लिने भएकाले नाम सार्वजनिक नगरिएको कांग्रेस रुपन्देही जिल्ला सभापति रामकृष्ण खाँणले जानकारी दिए।

यसअघि सिद्धार्थनगरमा एमालेले प्रमुख पदका लागि नेताहरु भरतकुमार पोखरेल, नारायणप्रसाद भण्डारी, हितराज पन्थी, डा. रामप्रसाद बस्याल, राजेन्द्रप्रसाद पन्थी, जीवलाल अर्याल, अर्जुनकुमार गिरी र वर्तमान मेयर हरिप्रसाद अधिकारीको नाम सिफारिस गरि पठाएको छ।

राप्रपाले भने पूर्व प्रमुख सागरप्रताप राणालाई उठाउने तयारी गरेको छ।