बुटवल– बुटवल उपमहानगरपालिकाको प्रमुखमा सिफारिस नभएको भन्दै कांग्रेस रूपन्देही क्षेत्र नम्बर २ का सभापति हरि लम्सालले पार्टीबाट राजीनामा दिएका छन्।
स्थानीय तहको निर्वाचन विषयमा पार्टी नेतृत्वले कार्यकर्ताको भावनाविपरीत निर्णय गरेको भन्दै उनले पार्टीको साधारण सदस्यसमेत नरहने गरी शुक्रबार राजीनामा दिएका हुन्।
बुटवल उपमहानगरपालिकाको प्रमुखमा आकांक्षीसमेत बनेका लम्सालले जिल्ला पार्टी कार्यालय भैरहवा पुगेर पार्टीको साधारण सदस्यसमेत नरहने गरी राजीनामा बुझाएका हुन्।
उनले पार्टीले एकलौटी र षड्यन्त्रपूर्वक नगर प्रमुखहरूको नाम सिफारिस गरेर अरू नेता तथा कार्यकर्ताको भावनामा ठेस पु¥याएको दाबी गरेका छन्।
‘नगर सभापतिले एकलौटी रूपमा आफैंलाई उम्मेदवार सिफारिस गरेकोबारे आवाज उठाउँदासमेत पार्टी नेतृत्वले बेवास्ता गरेको छ, यसले इमान्दारी, निष्ठा र विधानको कुनै महत्व रहेन्न भन्ने निष्कर्ष निकालेर राजीनामा दिन बाध्य भएको हँु,’ राजीनामा पत्रमा उनले उल्लेख गरेका छन्।
लामो समयदेखि कांग्रेसको राजनीति गर्दै आएका लम्साल दुई कार्यकाल क्षेत्रीय सभापति भइसकेका थिए। उनी पत्रकारिताबाट राजनीतिमा प्रवेश गरेका थिए।
भर्खरै
लोकप्रिय
