नेकपा एमालेले सिन्धुपाल्चाेक जिल्लाका पालिकाहरूमा उम्मेदवारहरूको टुंगो लगाएको छ।
एमालेले बाह्रबिसे नगरपालिकामा मेयरमा निमफुन्जाे शेर्पालाई उम्मेदवार बनाउने भएको छ भने उपमेयरमा कल्याणी घिसिङलाई उम्मेदवार बनाउने भएको छ।
यस्तै, चौतारा साँगाचोकग्ढी नगरपालिकामा मेयरमा ईन्द्रप्रसाद नेपाल र उपमेयरमा बालकुमारी सापकाेटालाई उम्मेदवार बनाउने निर्णय गरेकाे छ।
यस्तै, मेलम्ची नगरपालिकाकाे मेयरमा बालकृष्ण देउजा र उपमेयरमा उमा प्रधानलाई उम्मेदवार बनाएकाे छ।
भाेटेकाेशी गाउँपालिकाकाे अध्यक्षमा अमृत बहादुर खड्का र उपाध्यक्षमा सुन्तली माया तामाङलाई उम्मेदवार बनाउने भएकाे छ।
यसैगरी, त्रिपुरासुन्दरी गाउँपालिकाकाे अध्यक्षमा मेघनाथ पाैडेल र उपाध्यक्षमा सबिता श्रेष्ठलाई उम्मेदवार बनाउने भएकाे छ।
त्यसैगरी, लिसंखुपाखर गाउँपालिकाकाे अध्यक्षमा सूर्यबहादुर लामा र उपाध्यक्षमा कन्चन लामालाई उम्मेदवार बनाउने भएकाे छ।
सुनकोशी गाउँपालिकाकाे अध्यक्षमा टपिन्द्र प्रसाद तिमल्सिना र उपाध्यक्षमा मन्जु भण्डारीलाई उम्मेदवार बनाउने निर्णय भएकाे छ ।
त्यस्तै, बलेफी गाउँपालिकाकाे अध्यक्षमा नारायणकाजी श्रेष्ठ र उपाध्यक्षमा चन्द्रावती थापा, जुगल गाउँपालिकाकाे अध्यक्षमा जयबहादुर लामा, इन्द्रावती गाउँपालिकाकाे अध्यक्षमा झम्कनाथ नेपाल र उपाध्यक्षमा शाेभना तामाङ, पाँचपाेखरी गाउँपालिकाकाे अध्यक्षमा टासी लामा र उपाध्यक्षमा सुनुता अधिकारी र हेलम्बु गाउँपालिकाकाे अध्यक्षमा हस्त बहादुर पण्डितलाई उम्मेदवार बनाउने निर्णय भएको हो।
जुगल गाउँपालिका र हेलम्बु गाउँपालिकाको उपाध्यक्षमा भने गठबन्धन गर्ने नगर्ने टुंगो नभईसकेकोले उम्मेदवार टुंगो नलागेको नेकपा एमाले हेलम्बु गाउँपालिका सचिव गंगानाथ भण्डारीले बताए।
भर्खरै
लोकप्रिय
