अ
+
अ
अ
-
काठमाडौँ – गुल्मीमा १८ वर्षीया किशोरीलाई जबरजस्ती करणी गरी फरार रहेका एक अभियुक्त पक्राउ परेका छन्।
करणी गरी फरार रहेका गुल्मीको छत्रकोट गाउँपालिका ६ का ४३ वर्षीय उमबहादुर नेपालीलाई प्रहरीले पक्राउ गरेको हो। उनी गत फागुन २ गते दौघामा रहेको स्थानीय लक्ष्मी नेपालीको गोठमा १८ वर्षीया किशोरीलाई जबरबस्ती करणी गरी फरार थिए।
नेपालीलाई वैशाख १३ गते घरबाटै पक्राउ गरेको जिल्ला प्रहरी कार्यालय गुल्मीले जनाएको छ।
किशोरीको महिनावारी रोकिएपश्चात घर परिवारले स्थानीय मेडिकलमा स्वास्थ्य परीक्षण गर्न लगेका थिए। मेडिकलमा स्वास्थ्य जाँच गर्दा किशोरीको गर्भ रहेको खुलेपछि मात्र बलात्कारको उजुरी परेको प्रहरीले जनाएको छ।
पक्राउ पश्चात् नेपालीलाई जिल्ला अदालत गुल्मीबाट म्याद थप गरी अनुसन्धान भइरहेको जिल्ला प्रहरी कार्यालय गुल्मीले जनाएको छ।
भर्खरै
लोकप्रिय
