काठमाडौँ-सिन्धुपाल्चोकको एक पालिकामा नेकपा एमाले र नेकपा माओवादी केन्द्रबीच चुनावी तालमेल हुने भएको छ।
यही वैशाख ३० गते हुने स्थानीय तहको निर्वाचनका लागि सिन्धुपाल्चोकको सुनकोशी गाउँपालिकामा एमाले र माओवादीबीच चुनावी तालमेल गर्ने सहमति भएको हो।
सत्ता गठबन्धनले स्थानीय तहमा गठबन्धनबाहेकका दलहरूसँग तालमेल नगर्न निर्देशन दिएको भए पनि सो पालिकामा भने अध्यक्ष एमाले र उपाध्यक्ष माओवादीको भागमा पर्नेगरी चुनावी तालमेल भएको छ।
जसअनुसार माओवादीबाट अध्यक्षमा उम्मेदवारी दिएकी कृष्णकुमारी कुँवरले उम्मेदवारी फिर्ता लिने र उपाध्यक्षमा उम्मेदवारी दिएकी एमाले उम्मेदवार मञ्जु नेपाल भण्डारीले आज उम्मेदवारी फिर्ता लिने सहमति गरिएको हाे।
त्यस्तैगरी,वडास्तरमा पनि पदकाे बाँडफाँट भएको छ । उनीहरूले संयुक्त घोषणापत्र निर्माण गरेर प्रचारप्रसार गर्ने निर्णय गरेका हुन्। आज साँझ साढे ५ बजे संयुक्त पत्रकार सम्मेलन गर्ने निर्णय गरेका छन्।
यता, माओवादीका जिल्ला संयोजक गोविन्द पराजुलीले केन्द्रको निर्णयबेगर नजाने दाबी गरेका छन्।
भर्खरै
लोकप्रिय
